حورية فرغلي: أنا وحيدة وعندي 46 ونفسي أتجوز أنا مش عارفة الناس بتحسدني على إيه؟

نشرت النجمة المصرية حورية فرغلي مقطع فيديو كشفت فيه عن شعورها بالوحدة بدون أصدقاء وعدم الزواج رغم بلوغها عامها الـ 46 وقالت إنه لا توجد في حياتها ملامح السعادة التي تستحق الحسد.
حورية فرغلي نشرت الفيديو عبر حسابها على موقع إنستغرام، بعنوان “بيحسدوني على ايه”، وظهرت فيه حزينة وشاردة وقالت: إيه اللي الناس بتحسدني عليه، أنا قاعدة لوحدي، عندي كلب، ومعنديش صحاب، وتليفوني مبيرنش، بقرأ طول الوقت، عالآيباد طول الوقت، بنزل ألف التراك كل يوم، مبعملش أي حاجة ف حياتي”.

وأضافت: “مامي بتجيلي بتزورني، وبروحلها أزورها، بروح لبابي، أخويا كنت قاعدة معاه في السليمانية، بس هو طيار أصلًا دايما مش موجود ومسافر، رانيا صاحبتي جداً بس مبنشوفش بعض كتير لأنها في 6 أكتوبر وأنا هنا.”
وتابعت: ” أنا مش عارفة الناس بتحسدني على إيه، أنا عندي 46 سنة نفسي أتجوز ويكون عندي عيلة ونفسي معيش لوحدي، وده محصلش لغاية دلوقتي، فأنا مش عارفة هما حاسدني على إيه بالظبط.”

وسبق أن كشفت الفنانة حورية فرغلي تفاصيل حالتها الصحية، وذلك بعدما أجرت عملية استئصال الرحم بعد اكتشاف وجود أورام، وقالت إنها راضية بقضاء الله وقدره، ومستسلمة لحقيقة أن الله لم يكتب لها الزواج والإنجاب.