شن طن chantan | الحياة تعود إلى طبيعتها في المغرب بعد أربعة أشهر من الحجر وكورونا تتربص

| شن طن chantan | الحياة تعود إلى طبيعتها في المغرب بعد أربعة أشهر من الحجر وكورونا تتربص

#téléPLUS تميز ومصداقية #chantan #شن_طن

الفترة لي دوزناها في الحجر الصحي
بدلات بزاف فطريقة التفكير ديال المواطن المغربي
فترة كانت كافية باش تهز من منسوب الوعي عند الغالبية

وكنركز على كلمة الغالبية حيت مشي كلشي
مزال كاينين شي ناس الله يهديهم أو خلاص
وباش تأكد من كلامي
وتشوف بوادر الإنضباط والإلتزام لي كنتكلم عليه نخليك مع هاذ الصور

صور تبعت على الإطمئنان وتخلينا نسيرو هاذ المرحلة بأفضل طريقة
ولكن بشرط مواصلة الإلتزام والتقيد بالشروط الإحترازية
ودائما نخليو فبالنا أنو الفضاء العام هو فضاء مشترك
مشي فضاء خاص ديالنا بوحدنا نديرو فيه ما بغينا

وعلى ذكر الفضاءات الخاصة والعامة نبغي نتكلم على المقاهي
المقاهي لي ممكن تتحول لواحدة من أخطر الفضاءات الموجودة في المدينة
إلى تم إستغلالها بشكل سيء
سواء من قبل الزبناء أولا حتى المسيرين

هذا علاش نحاولو ما أمكن لي زار يخفف
بمعنى ما كاين لاش تعصر على قهيوة ربعة سوايع أو خمسة سوايع
رتاح شوية وشرب القهوة ديالك ونوض خلي البلاصة لغيرك
حيت كيف كيقول المثل اللهم قليل ومداوم أولا كثير ومقطوع
خصوصا وأنو أي خروج على السطر
فهو غيكون سبب مباشر فالرجوع لنقطة الصفر

يكفي الأوضاع الصعيبة لي كيعيشوها بزاف ديال المصانع والشركات
ما كاين لاش نتزادو تا حنا على الحساب
المصانع والشركات لي كيسجلو أرقام كتخلع
بالرغم من الخرجات المتكررة ديال مجموعة من المسؤولين
ولي كيكررو فيها داك الخطاب ديال ما تخافوش
الوضع مستقر والحالة الوبائية مطمئنة

آيه راه مستقر ولكن قابل للإنهيار فأي وقت
إلى حنا ما لتازمناش وما كبرناش فتصرفاتنا وأفكارنا
وإلا غنرونوها من جديد وغنوحلو فيها ثاني
وديك الساعة “لي دارها بيديه يفكها بسنيه…”
تهلاو