بعد معركتها ضد أحمد عز زينة تصرح: أنا بحب أبو ولادي.. هو راجل محترم وأنا ست محترمة
أكدت الفنانة المصرية زينة، أن مشكلتها مع النجم أحمد عز هي مشكلة شخصية، ولم تتحدث عنها وهو أيضاً لم تصدر عنه تصريحات ضدها، وقالت إنها كانت تحبه ولا يمكن أن تخرج للعلن وتقول إنها تحب شخصاً غير “أبو ولادها” وأشارت إلى أن عز متكفل بطفليه ويعاملهما معاملة جيدة. وأضافت: “هو راجل محترم وأنا ست محترمة”.
أشارت زينة خلال الجزء الأول من حوارها لبرنامج “حبر سري” إلى رفضها تماماً دخول الناس في الأزمة، وقالت: “أي حد داخل بينا هو خارج.. والسنين هتلف ولو وقعت في أزمة هو هييجي ينجدني عشان أولاده، منوهة بأنه راجل كويس ومحترم وتكفل بأولاده، ولا يجب أن يُكتب عن هذا الموضوع مرة أخرى، حيث إن الموضوع شخصي ويجب التزام الصمت فيه”.
ونفت زينة، ما يتردد عن إصابتها بعقدة من الرجال ورفض الزواج بعد أزمتها مع أحمد عز، وبررت عدم ارتباطها مجدداً بقولها: “إنها ليست لديها الرفاهية للوقوع في الحب، مشيرة إلى أنها متعلقة بأولادها وتحبهم كثيراً، لا ترغب في أن تكون أنانية، حال الدخول في علاقة حب؛ بسبب تكريس وقتها بالكامل لأولادها وعملها، قائلة إنها «لا تمتلك وقتاً تمنحه لأحد».
وأكملت: «حتى لو في وقت أديه لنفسي أنا أهم وأولى، لأن الأنا بتتعب وبقف على رجلي أشتغل وأحارب في دنيا كلها حروب ومعارك ومؤامرات، بدي وقت لنفسي ولأولادي، اللي هييجي لا هياخد اهتمام ولا حب ولا وقت، حرام أظلم واحد معايا».
وبسؤالها عن الرجل الذي مازالت تشعر تجاهه بمشاعر حب، عقبت: «هقول رد مش حقيقي، لكن لازم يترد في الظروف اللي أنا فيها، أنا دلوقتي عندي ولاد هيبقوا رجالة، مفيش في حياتي حد وأبوهم مش موجود، مينفعش أطلع أقول بحب راجل تاني غير أبوهم».
وتابعت: «أنا بحب ولادي وأكيد كنت بحب أبوهم، مش هينفع معايا ولاد هيطلعوا رجالة أطلع أقول حبيت حد تاني غير أبوهم، هما نفسهم مش هيسامحوني، عشان خاطر ولادي أقول وأعمل أي حاجة في العالم، بس هما يؤمروا».
وأضافت: “محدش ليه دعوة بينا.. هو راجل محترم متكفل بأولاده ويعاملهم بصورة طيبة وأنا ست محترمة”.
وأكملت: «الموضوع خلص واحنا كويسين ملكوش دعوة بينا، اللي عايز يتكلم يقول رأيه في بيته وحياته، كل واحد حياته خربانة، وميتدخلش في حياتنا إحنا».
وتابعت: «لم أصدر حاجة للإعلام ولا هو، الإعلام هو اللي تدخل في الموضوع.. محدش له دعوة بينا، ناكل بعض هنتصالح، نقطع بعض في بيننا ولاد، هو راجل محترم وأنا ست محترمة، محدش يتدخل في حياتنا».
