“بوخرصة” يتهم ”الجامعة” بمنعه من المنافسة بإسبانيا
بعد إنتشار قصة هجرته السرية وإلتحاقه بالديار الإسبانية، قال بطل المغرب في رياضة “التيكواندو” أنور بوخرصة، إن مسؤولين في جامعة التيكواندو، ربطوا اتصالات بالجامعة الإسبانية، للاعتراض على مشاركته في البطولة المحلية بإسبانيا.
وأثار البطل المغربي قضيته في صفحته في الفايسبوك، قائلا: “البارح كنت باغي ندير فيديو نوضح فيه هاد القضية ديال المسؤولين في الجامعة والناس لي كاتهاجمني ولكن لقيت بلي مايستاهلوش… المهم من بعد الموضوع لي دار ضجة في الفايسبوك بلي أنوار بدل الجنسية وهاد الهدرة مامنها والو، فأنا لعبت على نادي محلي فقط ولكن البارح كانتفاجئ أنا والمدرب ديالي بعدد كبير من الإتصالات من المغرب كايوقفو ضدي وكايقولو بلي ماعنديش الحق نلعب التايكواندو”.
وأضاف: بغاو يهرسوني من جديد من بعد ماهرسو الأحلام ديالي وأنا في سن مبكر في المغرب وكايقولو بالحرف علاش خليتوه يلعب ماخصكومش تخليوه يلعب البطولة، ووصلات بيهم يتاصلو بالجامعة الإسبانية ويعتارضو و خلات الجامعة تعيط المدرب ديالي وكاتقولو شنو السبب لي عند أنوار لي خلا هاد بنادم كامل يتصل بنا وخلقت مشكل للمدرب والحمد لله فهمناهم الموضوع وخلاوني نلعب من جديد”.
وتابع هجومه على مسؤولي التكواندو قائلا: “ملي وصلات بيكم ديرو هادشي كامل على ودي وماغاديش توصلو لداكشي لي بغيتو وأنا الحمد لله حاليا قانوني في إسبانيا ومابقيتش واحد حارگ كيف قلتو ليهم ههه ومزال غادي نلعب التايكواندو حتى آخر عرق عندي ماشي باش نولي بطل العالم حيث كانحب هاد الرياضة فقط للمتعة أما راه مستقبلي أهم من كل شيء و راه ضريتكم ومزال غادي نضركم حيت نتوما لي بغيتو يا أوسخ مسؤولين عرفت في حياتي وللحديث بقية نفرشخو هاد الرمانة”.
