إعلامية مصرية لمعجبات ياسين بونو: دعوه يركز في عمله..الراجل متجوز ويحب زوجته

تحدثت الإعلامية المصرية ياسمين عز، عن حارس عرين الأسود ياسين بونو في برنامجها “كلام الناس” حيت قدمت أحدث حلقاته وهي مرتدية قميص المنتخب المغربي احتفالًا بتأهل أسود الأطلسي إلى نصف نهائي كأس العالم 2022.
وخلال الحلقة قالت ياسمين عز: طلب بسيط من حبيباتي بعض البـ.ـنات اللي مقطـ.ـعين نفسهم على الحارس المتألق ياسين بونو سيبوا الراجل يركز في شغله يا جماعه مش كده، أيوة الولد وسيم وجان طول بعرض ماشاء الله ويستاهل ياخد لقب رجل كأس العالم كله مش رجل المباراة بس

لكن الراجل مرتبط ومتجوز ومخلف .. فأرجوكم يا جماعه سيبوا الراجل في حاله لأن اللي اعرفه انه بيحب مراته جدا فعيب يا جماعه الكلام اللي انتوا عمالين تكتبوه والرسائل اللي عمالين تبعتوها ليه أو لمراته

هتقولولي عرفتي منين هقولكم عرفت اللي بتبعتوه ليه ولمراته فأنا بحملكم مسؤولية اي حاجه تحصل مع ياسين بونو الماتش الجاي وبعدين امبابي مبيرحمش سيبوه يركز وادعوله أن شاء الله ربنا يوفقه في الملعب ((وبره الملعب مع زوجته ايمان))

ومش معني أن زوجته بقالها 4 سنين منزلتش اي صورة ليهم على اي موقع من مواقع السوشيال ميديا أن هي بقي مش بتحبه والكلام ده يا سيدي يمكن نجمه خفيف وبتخاف عليه من الحسد ..

فأتعلموا منها بدل ما تتـ.ـنمروا عليها شوفوا بقى الست ديه ازاي مهيئة جوزها لمحفل عالمي زي ده ازاي بتهتم بأكله وبمظهره وبصحته وبشعره ودايما بتدعمه وسانداه وفي ضهره ومخلياه مركز في شغله مش بتشتته في تفاصيل تانية وحاجات فرعية وفسافس وفسافيس كلنا عارفينها .. كوني له ايمان يكون لكي بونو.
وباللهجة المغربية ختمت كلامها قائلة : “الله يحفظك سي وليد الركراكي، ربي معاك يا حكيمي أنت وزياش ومرابط، والله مزيان يا زلزولي، ونحبك بالزاف با بونو، سير خوي أوناحي سير، هذه بداية ومازال مازال، جيبوها يا الولاد، مربوحة إن شاء الله وديما مغرب، هلا هلا المغاربة سبوعة ورجالة، ديروا النية ينصرنا العالي تعالى”.

ولم تسلم لهجة ياسمين عز من الجدل في مصر، حيث أكد البعض أنها تتحدث بشكل خاطئ.